مات الجمر فيني وقلوب الاحباب حيه

[سامي]

مات الجمر فيني وقلوب الاحباب حيه
والموت لا ماتت قلوب الحبايب

يا شيشتي لو فيك ذنب وخطيه
معاك احس اني عن الناس غايب

العام كانوا لي من الاصحاب ميه
وقت الرخا لكن جفوا بالنوايب

لا هنت يا قلب شكا من خويه
كم راس من طعنات الاصحاب شايب

مرات اقول ان الخبل يا هنيه
ولقيتهم يشكون ظلم القرايب

ومرات اقول النذل لا رحم حيه
واثر النذل في بعض الاوقات صايب

يا نفس شيليها على السامريه
شيلت طرب ما عاد فيها طلايب

وش لي بتنيهه القلوب العميه
وحنا في هالدنيا دروب وركايب

ابتغزل في هذيك البنيه
بنت تفل القلب فل الذوايب

كم بعثرتني وجمعتني هنيه
بنفس المكان اللي جمعنا غرايب

يا ضعفها معهم وعندي قويه
منها غدى ثلثين قلبي خرايب

مرباعها بين العيون الشقيه
ومقيضها بين الجروح العطايب

ما قول يذبح زينها بس هيه
تلفت لها قلب عن الحب تايب

ولا قول مغروره ولا هي خليه
فيها دلع طفل تبناه شايب

جمال نجد وفتنة حايليه
وش جمع الثنتين فيها عجايب

اليا قبلت بين حسنات وسيه
يا كثر ذنبي بين طيب وغصايب

وليا دبرت في دمعتين نديه
قلب معاها وقلب في الصدر ذايب

راح العمر ما بين روحه وجيه
يا كثر غلطاتي ولا نيب هايب

شب الجمر ما دام الاشواق حيه
وطف العتب والعمر ضحك ومصايب






http://www.youtube.com/watch?v=22IFSrsPr1Q

[الريـــم اللعــوب]

:: سـآمي ::

صح لسـآنك وعلا شـآنك ..
قصيــــدة رآئعهـ ..
لاتحرمنـآ روآئعك في هذآ القسم ..
دمت بخير..

[ملك الاحساس]

سامي

ابيات رائعة جداً
ابيات لحمد السعيد اذا ما خانتني الذاكرة
وانا الي اعرفة انك تحب هالقصيدة كثير

[دلع انثى]

سـآمي

سلمت يداك
قصيدة رائعة وجميلة
في ابياتها ومعانيها
ننتظر جديدك
تح ياتي

[فـــــزاع]

ابي انصحك تترك دروب الخطيه
وحب على وضح النقا ما هوب عايب
لاشك فيه ناس تدور للدنى والرديه
ناس تدور على الردى والنشايب
سامي دور لبنت ما تعرف الدنيه
من راس قوم تسد الطلايب
وعليك يامن كواني وانجح الكيه
وصوب بقلبي جروح عطايب

هذي اخوي سامي مجاراة متواضعه
وفالك الطيب

[شموخ]

سامي ......................
قصيده رائعة.........يعطيك العافية.