قوانين ودستور المشاركه في اخبار الفنانين

[سميتك غلاي]

الدستـور / الدستور هي مجموعة شـروط نستوحي من خلالها الأنظمة والقوانين التي تسير عليها المنتديات / ولكل موقـع قـوانين تميـزه عـن الثـاني .. وهنــا في المنتدى الفـني حبينا نـوضـح
قوانينا وخطتنـا في المواضـيع التي يلتـزم على العضـو التقيـد فيهــا ..
ونبتدي بالقوانين " قـانون .. قـانون "




أ / المواضيـــع الممنــوعـة

1 / ..[ مواضيـع الترحيـب ] ..

مثـــال ( أنـا عضـو جديد حيوني ) .. ( أنا عضـو ومعجب فيكم وفي منتداكم وشكراً لكم )
( تراني متابع لكم من زمان بس توهم يفعلوني )



2 / ..[ الأخبـار المنقـولة ] ..

مثـل يجيـك عضـو وينـقلك خبـر من جريـدة حرفيـاً وينزله موضـوع ..!
طيب إذا حنـا قـارين خبـرك قبل لاتنزله .. وش استفدنـا ووش استفتد انت
طيب تقــول وش الدبــرة ؟
الـدبرة الله يسـلمك هـو أنك تجيب الخبـر وتكتبه بأسلوبك مع قليل من الذب المباح خخخـ
وتضـيف تعليـقك على الخبـر أو المادة اللي نــاقلها ..



3/ ..[ اللقــاءات المنقـولـة ]..

وهـالنقطة ماتختلف كثير عن النقـطة اللي فـوق .. يعني يجـيك عـضـو ويسـوي نسـخ
للقـاء لفنان في جريـدة أو مجـلة معينة ويجي عندنا ويسوي لصـق ..!
وش الفايـدة .. نبيـك تكتبـه بأسلـوبك
يعني عن محـاور اللقـاء وعـن بعض الاسئلـة المهمـة عـلى تعليـقك
مع كم صـورة محملة من الاقـلاع

4/ ..[ المواضيع المنقـولة ]..

وهـي ان يجي عضـو جديد ويروح لأي منتدى فني وينسـخ موضوع وش طوله
ويجيك يسوي لصـق عندنا ويكتب تحت بأمانة منقووول
ينقل بذمة
وهذي دوغري لسلة المهملات
5/ ..[ الاخبـــار اللي لاتسمن ولاتغني من جــوع ]..

مثل .. هيفــاء سـوت عملية تجميـل .. نـانسي صدمــت
اليسـا تسـوي تأمين علـى صـوتهـا ... بإختصــار كل الأخــبار اللي عن الفنانات اللي ماتضيف
للمنتدى الفني أي شي اللهم زيادة خبر وينقلب الموضوع شـات وتروح حـلاوة المواضيـع الثانية
كل هالمواضيـع ممنوعــة إذا كانت بلحالها .. تبي تتكلم عن خبر عن هيفـاء ولا اليسـا ولا نانسي
وجميع الفنانات اللي من هالطقـة لازم تكون ضمن مجموعـة أخبـار ماتقـل عن ثـلاث أخبـار
ويحق للإدارة ان تقفل الموضوع اذا كثرة حذف الردود والشـات



6 / ..[ مواضيـع الصـور ] ..

مثل

يجـي عضـو ويحطلك ترليون صـورة ويقول مقابلة الفنان الفلاني في القناة الفلانية ..
ولا صـور الفنان الفلاني مع عائلته ولا الفنانة الفلانية في الحفلة الفلانية
هذي ممنوعـة منعاً باتـاً نافع غيـر ضـار ..


7 / ..[ الإشــاعــات ]

الفنــان الفـلاني مــات , الفنــان الفــلاني صــدم , ولا الفنان الفلاني تـزوج أمس
يعني ماينـزل مـوضوع من هالنوعيـة الا لازم يكون فيه مصـدر قـوي
ولا الفنان الفلاني والله يحبكم ويسلم عليكم وموصيني انقل سلامة
وش يدرينا حنــا انـك صــادق .. إذا هـو يحبنا وموصـيك علينا
تعـال وجب لنا صـور له ولا مقطع صوتــي ونـزل موضوع
ومالك الا مشرف يثبته ..


8 / .. [ مواضـيع الطلبات والإستفسـارات ] ..


مثـل أبي أغنـية الفنان الفـلاني ولا بسألكم عن حفلة الفنان الفلاني متى ..!
فيه موضوع بالصفحة الاولى مخصص لطلبات والإستفسـارات واي شي عندك تبيه
رح اضفه في الموضوع وان شاءلله الأعضـاء مهوب مقصرين ..


9 / .. [ مواضيـع التـصويت ] ..

مثل تعال وصوت لأفضل أغنية ..!

ممنــوع تفتــح اي موضـوع تصــويت بدون علم الإدارة .. لو حـاب تفتح موضوع تصـويت عن حاجة
معينة لازم تنسق مع المشرفين قبـل


[ عقـوبة من يرتكب هالمخالفات .. يـا الإغـلاق يـالحذف يالنقل لسلة المهملات .. مع تنبيه العضـو
وفي حـال تكرار المخالف راح ينبـه وثم يوقف]





______________________________________________


ب / الــردود الممنــوعــة

1 / رد مشــكووور .. ويعطيك العافية وماشابه

2 / رد بعــرض تخريب الموضـوع

3 / رد الاستهـزاء بالفنان / يعني ماجازلك الفنان لاترد الله يجزاك خير
يعني تقدر تنتقد تقـدر تبدي رايك أو وجهة نـظرك ,, بس ماتقلل من احترام الفنان

4 / الردود الخــارجة عن الاداب والذوق العـام

5 / لي بــاك .. اكيـد لي بــاك .. بــرب واي شي يبن انك بترجع
يعني تبي ترد رد على طول لاتحجز وتاخذ مكان وبعدين ماترد ولاتضيف شي ..!


6/ الــرد اللي مهوب لايق للموضوع .. مثل يجيك موضوع عن محمد عبده
وواحد يسأل متى يبتدي ستار اكاديمي


وهـذي كلها نرسلها لسله المحذوفات / واللي تتكرر منه لايلوم الا نفسه

[اميرالسلاطين]

اقتراحات طيبه بارك الله فيك
طيب وش رايك بالرد هذا مقبول خخخخخ

[سميتك غلاي]

خخخخخخخخخخخ
مقبوول ليش لاهههههه