والله انه راح مني نصف عمري في غيابك

[دلع انثى]

والله انه راح مني نصف عمري في غيابك..
واعرف إني شلت همي تاركن حبي على الله..

كني أبعد من نجوم الليل وأقرب من ثيابك..
ياعساك وياعساني وياعسانا وياعسا الله..

ياعسى الدنيا تموت وما يعيش إلا ترابك..
يا أحبك واعشقك واهواك وإلا يفتح الله..

ماتعودت افتخر باحساسي إلا تحت بابك..
ايه أحبك والقضية واضحة والشاهد الله..

يطرد المظلوم خصمة وأنت خصمي ياهلا بك..
ياهلا بك يوم تجرح خافقي ويسامح الله..

ياهلا بك يوم تلحق غيمتي والحق سرابك..
جابك الله في حياتي ياحياتي جابك الله..

ليش مدري وين مدري كيف مدري بس جابك..
كل ماقلت ابتدينا في المحبة قلت يالله ..

مادريت ان النهاية بين بعدك واقترابك..
إنظلمت ولا شكيت ولاتركت الأمر لله..

كان همي انتظر باقي عذابك في عذابك..
الله الله انتبه واحذر وفكر والله الله..

مثل ما أحسب حسابي في هواك أحسب حسابك..
ماطلبت المستحيل ولا رجيتك شي لله..

ما طلبتك ارتفع من حجرتي واسكن سحابك..
يصرخ القلب المعذب يالمعذب وكل الله..

شاب حبك في عيوني وانت توك في شبابك..
رحت شي وجيت شي مختلف ياحسبك الله..

صدق إني مابغيت اجلس مع حضرت جنابك..
غيرك ذاك الزمان ويازماني منك لله..

ليش ماغيرت فيني شي يوم إني أهابك..
ليش ماعلمتهم عن قصتي وتوحد الله..

يعرفون انك سؤال ويعرفون اني جوابك..
ويعرفون اني حلفت ولا أعرف أغلى من الله..

والله انه راح مني نصف عمري في غيابك..
واعرف اني شلت همي تاركن حبي على الله.





ودمتم أحبتي

[فـــــزاع]

ياعسى الدنيا تموت وما يعيش إلا ترابك..
يا أحبك واعشقك واهواك وإلا يفتح الله..

دلع انثى
قصيدة رائعه بكل ما تعنيه هذه الكلمة
فشكراً لك

ولاعدمتك
ودمتي بخير

[نـــــغـــــم]

دلــــــــع انثي

والله انه راح منى نصف عمرى بغيابك

ايه والله ......

يعرفون انك سؤال ..ويعرفون اني جوابك

ويعرفون اني حلفت ..ولا اعرف اغلى من الله


قصيدتك بمحتواها ومضمونها

رائعه ...واكثر

وشهادتي فيك مجروحه ...يا أبدع من فى المنتدى

نغــــم مرت من هنا

[دلع انثى]

فزاع
مشكوووور يالغلا
ماننحرم من تواجدك

نغم
فديت المرور العذب
تسلمين يالغلا
ماننحرم منك يانور المنتدى

[ملك الاحساس]

ويعرفون اني حلفت ولااعرف [ أغلى من الله ]والله انه راح مني نصف عمري في غيابك

وإن بغيت اشكي قلت الشكوى على الله . . . .

كلمات في غاية الروعه

ياليت ما تحرمينا ابداعاتك يا دلوعة المنتدى

[دلع انثى]

ملك كل الشكر لك
ماننحرم منك يالغلا